(Aruba) Philip’s Animal Garden awo ta ofrece tournan interactivo

Philip’s Animal Garden, situa na Alto Vista 116, awo ta ofreciendo tournan interactivo diario, ofreciendo bishitantenan un experiencia personal cu mas di 45 especia di bestia exotico for di rond di mundo.
E santuario di bestia y centro di rehabilitacion ta un tremendo ehempel di un hobby cu a crece y bira un trabou fiho. Su propietario, Philip Merryweather, semper tabatin un amor pa bestia, specialmente bestianan exotico. Apesar di e deseo di su mayornan pa Philip no trece bestianan straño na cas, Philip a adopta un Santanero como su prome bestia di cas. Ora e tabatin 12 aña el a gradua pa un colebra mas grandi, cuidando un Boa Constrictor cu el a ricibi como un regalo di un señora.

Desde e tempo ey su coleccion di bestia a crece pa inclui hopi bestia abusa y abandona cu Philip a adopta y cria bek pa un estado saludabel. Su coleccion awo ta conta cu mas di 45 tipo exotico di bestia, incluyendo varios parha exotico, un Capuchin Macaco, Nigerian Dwarf Cabrito, Burmese Python, Alpaca, Pot-Bellied Porco, Ocelot, Caiman y hopi mas bestia cu ta depende riba Philip pa nan cuido.

Philip su dianan ta completamente dedica na e mantencion di e habitat y e cuido di su bestianan. Desde 2004, Philip ta usando su mesun recursonan pa financia e hardin di bestia, suplementa pa eventonan special cu ta tuma luga dos biaha pa aña y cu ta sumamente popular riba e isla. Na 2009, un organisacion caritativo a wordo funda bou di e nomber Philip’s Pet Collection pa supervisa e operacionnan di e hardin di bestia. Philip su plan ta pa sigui expande e habitat y centro di rehabilitacion y asina crea un santuario di clase mundial cu cuido veterinario 24 ora pa dia.

Pa yuda mehora mas ainda y expande e facilidadnan y cuido cu a wordo duna na e bestianan, Philip’s Animal Garden awo ta ofreciendo tournan diario, unda bishitantenan ta invita pa wak, mishi y hasta duna cuminda na algun di e habitantenan exotico di e hardin. E tournan interactivo y educacional ta wordo ofreci tur mey ora entre 9am pa 5pm, shete dia pa siman.

Pa mas informacion, click riba http://www.philipsanimalgarden.com, of bishita Philip’s Animal Garden na Alto Vista 116 pa un tour.

http://www.24ora.com

Anuncios

Los comentarios están cerrados.