Buniteza di naturaleza

ORANJESTAD(AAN)– Diadomingo atardi tabatin hopi hende na Eagle Beach, pero no hende so: tambe 67 driekiel chikito cu a sali manera un fontein di nan neishi net antes cu solo a baha.
Den menos cu mei ora tur a drenta awa y nan ta landa leu for di tera; nan no ta dive hundo pero landa basta superficial.
Nan tin cu hala rosea frecuentemente. Tur hende a goza un mundo
di e espectaculo bunita y hopi potret a worde saca. Net bon cu e no tabata scur ainda. Si e chikitonan no sali den dia sino anochi, por fabor
no haci luz y nunca saca potret cu flash. E luz ta stroba e chikitonan pa nan haya e laman. No mishi cu nan tampoco. Nan mester bai laman su so pa asina corda nan beach natal.
Si nos pone e chikitonan directamente den e awa, nan lo falta e memoria na unda bin bek despues di 20 aña, ora nan por reproduci y kier pone webo. Pa reporta cualkier actividad di turtuga , por fabor yama mesora: turtle hotline 5929393

http://www.diario.aw

Anuncios

Los comentarios están cerrados.