(Cruazao) InselAir ta continua su ruta nobo pa Caracas

For di dialuna 25 di juli, Inselair ta continua cu su operacion entre Hato International aiport di Curacao y Aeropuerto Internacional de Maiquetia di Caracas.
E aerolinea a wordo impone pa stop tur operacion riba e ruta entre di Corsow y Caracas door di e aeropuerto di Caracas.InselAir, cual a celebra un exitoso buelo inaugural dia 18 di juli ultimo, a haci lo maximo pa acomoda tur pasahero riba buelonan alternativo.

“ Nos a traha conhuntamente cu otro aerolinea pa por acomoda tur nos pasaheronan”, segun Sr. Edward Heerenveen, Chief General & International Affairs. “Nos ta masha contento cu esaki a bay di un manera masha trankil y facil. Alabes tambe nos ta contento di por anuncia cu nos lo continua e ruta Corsow – Caracas entrante dialuna awor, 25 di juli. Nos kier disculpa na nos pasaheronan pa cualkier inconveniencia cu por a surgi”.

E operacion riba e ruta, manera anuncia anteriormente, lo tin buelo entre Corsow y Caracas di dialuna pa diabierna:

Schedule di InselAir:

CCS-CUR :

Salida – Yegada

9.15 p.m. – 10.30 p.m.

CCS-CUR :

Salida – Yedgada

2.00 p.m. – 3.30 p.m.

Inselair kier recorda tur pasahero cu ta buscando mas informacion pa cu buelonan reserva of ticket cumpra, pa por fabor tuma contact cu InselAir of su agencia di biahe lo mas pronto posibel.

Informacion di InselAir

Den Sur Amerika, InselAir ta opera riba e destinacionanan Valencia y Las Piedras na Venezuela y Medellin na Colombia. Otro destinacionnan di InselAir ta Aruba, Bonaire, Curacao, Kingston, Haiti, St. Maarten, Charlotte, Miami, San Juan, St. Domingo y Suriname.

Inselair tin 15 destinacion, 46 buelo diario y tur tarifa semper ta wordo menciona pa pasashi di ida y vuelta. E linea di aviacion ta concentra riba ‘Customer Experience’, seguridad y ‘on-time performance’.  Inselair lo bay expande e experencia di su pasaheronan na bordo door di introduci Comfort Class pronto.

http://www.24ora.com

Anuncios

Los comentarios están cerrados.