(Curacao) InselAir ta kontinua ku su ruta nobo pa Caracas

E aerolinea a wordu impone pa stop tur operashon riba e ruta entre di Korsou i Caracas door di aeropuerto di Caracas. InselAir, kual a selebra un eksitoso buelo inaugural dia 18 di yuli ultimo, a hasi lo maksimo pa akomoda tur pasajero riba buelonan alternativo.

“ Nos a traha konhuntamente ku otro aerolinea pa por akomoda tur nos pasajeronan”, segun Sr. Edward Heerenveen, Chief General & International Affairs. “ Nos ta masha kontentu ku esaki a bai di un manera masha trankil i fasil. Alabes tambe nos ta kontentu di por anunsia ku nos lo kontinua e ruta Korsou – Caracas entrante djaluna awor, 25 di yuli. Nos lo kier disculpa na nos pasajeronan pa kualkier inkobeniente ku por a surgi”.

E operashon riba e ruta, manera anunsia anteriormente, lo tin buelo entre di Korsou i Caracas di djaluna pa djabierne:

Skema di InselAir

CUR – CCS:

CCS-CUR :

Salida – Yegada

Salida – Yegada

8.00 p.m. – 8:15 p.m.

9.15 p.m. – 10.30 p.m.

Buelonan lo ta riba: djaluna, djamars, djarason i djaweps kuminsando 25 di yuli, 2011

CUR – CCS:

CCS-CUR :

Salida – Yegada

Salida – Yedgada

1.00 p.m. – 1:15 p.m.

2.00 p.m. – 3.30 p.m.

Buelonan lo ta riba: djabierne kumisando riba 29 di yuli, 2011

Inselair kier rekorda tur pasajero ku ta buskando mas informashon pa ku buelonan reserva of tiket kumpra, pa por fabor tuma kontakto ku InselAir of su agencia di biahe lo mas pronto posibel.

Informashon di  InselAir

Den Sur Amerika, InselAir ta opera riba e destinashonanan Valencia i Las Piedras na Venezuela i Medellin na Colombia. Otro destinashonnan di InselAir ta Aruba, Bonaire, Curacao, Kingston, Haiti, St. Maarten, Charlotte, Miami, San Juan, St. Domingo i Suriname.

Inselair tin 15 destinashon, 46 buelo diario i tur tarifa semper ta wordu menshona pa pasashi ida y vuelta. E línea di aviashon ta konsentra riba ‘Customer Experience’, seguridad i ‘on-time performance’.  Inselair lo bai ekspande e eksperiensha di su pasaheronan na bordo door di introdusi Comfort Class pronto.

http://www.24ora.com

Anuncios

Los comentarios están cerrados.