(Curacao) InselAir ta pospone su ruta nobo pa Caracas

Entrante awe, 20 di yuli, InselAir lo pospone su operashon entre Hato International Airport Curacao I Aeropuerto Internacional di Maiquetia, Caracas.Debi na rasonan ainda pa e kompania InselAir deskonsi, e kompania a wordu impone pa stop operashon na e aeropuerto na Caracas. InselAir, ku a selebra un eksitoso vuelo inaugural dia 18 di yuli ultimo, ta hasiendo lo maksimo pa akomoda tur pasajero ku ya kaba tin un pasashi di InselAir riba e buelonan pa of for di Caracas.

Nos ta trahando konhuntamente ku otro aerolinea pa por akomoda tur nos pasajeronan ku tin un reservashon of pasashi pa of for di Caracas riba InselAir, segun Sr. Edward Heerenveen, Chief General & International Affairs. Na e momentonan aki nos ta den kontakto ku tur kliente personalmente, pa asina sigura ku tur pasajero lo wordu atende.

Sr. Heerenveen ta pidi tur kliente, ku tin un reservashon of pasashi pa of for di Caracas pa tuma kontakto ku nos Call Center na Korsou na + 5999 747 0444 of na Merka +1 800 386 4800 pa mas informashon. Pasajeronan ku a hasi resevashon of a kumpra tiket via di agencia di biahe, por tuma kontakto ku esaki pa hanja mas informashon.

Benefisionan manera miles akumula di nos programa Insel StarMiles lo keda vigente meskos ku otro benefisionan resibi ora kumpra un tiket di InselAir, Sr. Heerenveen ta konklui.

InselAir lo anula su buelonan entre e dos destinashonnan aki pa e dianan benidero i ta eksplorando tur posibilidat pa por re establese e ruta aki lo mas pronto posibel Heerenveen ta splika Nos representantenan na Venezuela ta trahando duro pa nos por kuminsa bek mas lihe posibel. Nos a hasi un invershon grandi riba e ruta aki i nos ta prefera di kuminsa ku nos buelonan pa Caracas mas pronto posibel.

InselAir kier rekorda tur pasajero ku a hasi reservashon of a kumpra tiket kaba riba e ruta entre di Korsou Caracas pa tuma kontakto ku InselAir of nan agensia di biahe lo mas pronto posible.

Informashon di InselAir

Den Sur Amerika, InselAir ta opera riba e destinashonanan Valencia i Las Piedras na Venezuela i Medellin na Colombia. Otro destinashonnan di InselAir ta Aruba, Bonaire, Curacao, Kingston, Haiti, St. Maarten, Charlotte, Miami, San Juan, St. Domingo i Suriname.

Inselair tin 15 destinashon, 46 buelo diario i tur tarifa semper ta wordu menshona pa pasashi ida y vuelta. E linea di aviashon ta konsentra riba Customer Experience, seguridad i on-time performance. Inselair lo bai ekspande e eksperiensha di su pasaheronan na bordo door di introdusi Comfort Class pronto.

http://www.24ora.com

Anuncios

Los comentarios están cerrados.