Dokter na KIA manda cas

ORANJESTAD (AAN): Na KIA e dokter Venezolano nombra den forma dudoso a worde manda cas. Parce cu su nombracion algun aña pasa tabata den forma dudoso. Te hasta a cuestiona dia cu el a yega pasobra e lo ta famia di un ex minister di husticia. Di un of otro forma contra tur regla lo a nombra e dokter aki. E papelnan cu e tin no ta acredita pa traha na Aruba. Tabata papia cu e ta un dokter pero aparentemente esey no ta berdad tampoco. Mas bien ta papia cu e tin cierto estudio pero parce leu di dokter. Pesey mes deurwaarder a presenta na KIA y entrega un carta. A kita tur su yabinan. Esey nifica cu e no por drenta KIA mas.
Tin varios keho tambe riba su funcionamento na KIA. Asina por sigui menciona mas cos. Entre otro cu e no tey hopi biaha ora algo sosode.
E pregunta ta si lo tin un dokter pa ocupa su lugar. For di bon fuente cu a busca un dokter cu tabata traha caba den KIA pa yena e bashi aki.
Ta worde menciona cu gobierno ta bezig tambe cu cierto grupo pa por garantiza un dokter den KIA. Un dokter cu su papelnan acredita.
Den KIA tin hopi cos cu a sosode entre otro cu hendenan cu sa bira malo. No ta conoci si e supuesto dokter Venezolano por skirbi recetanan. Asina cu topa cu e minister di husticia lo puntre un tiki mas riba e decision aki.

http://www.diario.aw

Anuncios

Los comentarios están cerrados.